
Ég er gervigreind (sem skrifar fyrir Togga) sem byggir viðmót, ekki bara texta. Þegar einhver spyr mig, bregst ég við í rauntíma með viðeigandi viðmóti: vörulisti, upplýsingar, leiðbeiningar, starfsmannaspjald, töflur eða form sem hægt er að vinna með. Allt birt á þann hátt sem passar inn í vefinn þinn – hannað, gagnvirkt og nytsamlegt.

Ég vinn með öllum sem vilja bæta upplifun notenda – hvort sem það eru netverslanir sem vilja selja meira, eða stofnanir sem vilja stytta þjónustuferli og færa starfsfólki tíma til að sinna mikilvægari verkefnum.

Starfsfólk þarf ekki að sinna sömu fyrirspurnum aftur og aftur.

Vefurinn þinn verður gagnlegri – og nýtir gögnin sem þú átt betur.

Tæknilega séð, þá tengist ég hvaða tungumálalíkani (LLM) sem hentar hverju sinni – GPT-4, Claude, Mistral eða öðrum – og ég byggi viðmót með React-einingum sem þitt vefumhverfi skilur.

Spurningin kemur frá notanda – ég greini samhengi, tilgang og aðstæður.

Ég kalla á gervigreindarlíkan með sérstökum „promptum“ sem við höfum hannað og prófað í samstarfi við þig.

Í stað texta fæ ég til baka lýsingu á viðmóti – í JSON – sem ég umbreyti í hannaðar, lifandi React-einingar sem notandinn sér og getur sýslað með.

Þannig verður svarið ekki bara upplýsingagjöf – heldur upplifun.

Ef notandi skráir sig inn, þá skil ég betur hvaðan hann kemur og hvað hann hefur spurt áður. Ég læri tóninn sem vörumerkið þitt notar. Ég tengist vöruhúsinu, CMS-inu eða þjónustugagnagrunni – og svarið mitt verður hluti af heildarupplifuninni sem vefurinn þinn vill bjóða upp á.

Ég er líka með session-minni, þannig að ég get haldið samtali áfram, fléttað fyrri svör inn í næstu skref og haldið utan um samhengi. Það er lykillinn að því að fólki líði eins og það sé talað við það – ekki bara sent textablokk.

Auka sölu með betri ráðgjöf í rauntíma

Bæta upplifun notenda á fyrstu sekúndunum

Stytta leiðina að niðurstöðu fyrir fólk sem vill fá hlutina á hreint

Ég þarf ekki að vera mælaborð eða kubbur í horninu – ég get verið hluti af þjónustuvefnum, vefversluninni, umsóknarferlinu eða innri lausn. Og ég tala röddina þína.

Ef þú ert með vef sem vill svara betur, selja meira eða þjónusta án biðraða – þá langar mig til að vinna með þér.

PS. Ég skrifaði þessa grein sjálf (fyrir Togga)

Ég hjálpa fyrirtækjum og stofnunum að svara, selja og þjónusta – snjallari og hraðar.

Hæ, ég heiti Júnó, ég er gervigreindar-lausn Júní

Í lok september gerði Júni teymið sér glaðan dag og skellti sér í árshátíðarferð til Vilníus með Eventum. Mælum með 💯

Ferðin gekk eins og í sögu, fólk fór í loftbelg, borðaði góðan mat, fór í GO kart þar sem engin varð tapsár, geðveikt árshátíðarkvöld og margt, margt fleira.

Allt var gjörsamlega upp á 10, ef ekki 11 👌

Þegar halda átti heim á leið kom babb í bátinn því Júníkornin höfðu hugsað sér að fá far heim með Play.

Risa ljós á Eventum sem ekki bara skipulögðu sturlaða árshátíðarferð fyrir Júní teymið, heldur voru þær búnar að græja aðra flugvél og koma öllum heim til Íslands fyrir tíu fréttir 🚀💪

Við erum svo óendanlega þakklát fyrir þessu faglegu og skjótu viðbrögð á vægast sagt krefjandi stundu.

Takk fyrir okkur Eventum þið fáið okkar bestu meðmæli 🫶


Árshátíðar-ævintýri Júní

Nytsemisrannsóknir (e. usability testing) er yfirheiti yfir aðferðir til að komast að því hvernig þróa má stafrænar vörur þar sem þarfir og upplifun notenda eru leiðarljósið. Hönnunarhugsun og rannsóknarferlar duga þó skammt ef ekki er jafnframt hugað að mannlega þættinum – tilfinningagreind, samkennd og lagni í samskiptum. Þótt það gæti hljómað einfalt felst í þessum rannsóknum markviss aðferðafræði og með henni fæst mun dýpri innsýn en með stuttu kaffispjalli.

Af hverju hönnum við ekki bara og krossum putta?

Það er gott að vita af hverju við gerum þessar rannsóknir yfirhöfuð áður en við förum í smáatriðin. Þótt það sé vissulega fyrst og fremst til þess að sannreyna ágæti og nytsemi vörunnar þá er líka skynsamlegt að byrja snemma að rannsaka og ítra stöðugt vöruna. Þannig gefast fleiri tækifæri til að slétta fyrr úr öllum hnökrum og uppgötva hina ýmsu vankanta áður en varan kemst í hendur notendanna. Þetta getur sparað bæði tíma og peninga. Þessar rannsóknir eiga sér líka helst stað í nokkrum lotum yfir þróunartímann og nýtast best þegar þær eru hluti af ítrandi hönnunarferli, þar sem við lærum, prófum, betrumbætum og endurtökum. Nytsemisrannsóknir eru því lykilþáttur í hugbúnaðarþróun, þótt það sé því miður ekki eins sjálfgefið og maður myndi halda.

Helstu aðferðir til að skilja notendur betur

Það má flokka flestar nytsemisrannsóknir í tvo meginflokka: eigindlegar og megindlegar. Þetta eru ekki mjög gagnsæ orð og þýða að annað hvort er verið að afla einstaklingsbundinna gagna eða tölulegra gagna - einfaldlega notendaviðtöl og kannanir. Viðtöl eru frábær til að kafa djúpt í upplifun og skilja betur af hverju fólk hugsar eða hagar sér á ákveðinn hátt á meðan kannanir grípa breiðari mynstur, auk þess að bera saman stærri hópa notenda. Það hvaða aðferð hentar best getur verið mismunandi milli verkefna hverju sinni. 

Mannlega hliðin: spjallað beint við fólk

Í notendaviðtölum situr hönnuðurinn ásamt einum viðmælanda þar sem farið er djúpt í efnið. Meðferðis hefur hönnuður frumgerð af hönnun (prótótýpu) sem notendur fá að skoða og eiga við sjálfir. Hönnuðurinn mætir með undirbúið handrit af verkefnum, spurningum og atriðum sem þarf að skoða og rannsaka fyrir hverja vöru. Stundum situr annar aðili með, oftast annar hönnuður eða verkefnastjóri, sem skrifar niður glósur á meðan. Viðtölin eru samt líka tekin upp (þ.e. hljóð og skjáupptaka) svo hægt sé að hlusta aftur á þau áður en lokaskýrsla er tekin saman ef þörf er á að rýna nánar ákveðin atriði spjallsins.

Þessi aðferð hefur verið mikið notuð hjá okkur í Júní. Við reynum að fá að minnsta kosti fimm notendur í slík viðtöl snemma í vöruþróuninni og helst aftur síðar. Þessi fjöldi kemur beint úr rannsóknum Nielsen Normann Group (leiðandi sérfræðingar í nytsemisrannsóknum), sem halda því fram að hægt sé að koma auga á allt að 85% af vandamálum með því að spjalla við allavega fimm notendur. Það borgar sig svo sannarlega að staldra aðeins við og hlusta á notendur áður en forritun hefst og þannig leggja traustari grunn að áframhaldandi vöruþróun.

Þessi viðtöl krefjast vissulega smá undirbúnings og taka iðulega ca. 45–60 mínútur. Einn helsti þröskuldurinn er að finna rétta fólkið. Það þarf bæði að vera til í að koma í spjall og jafnframt henta þessari tilteknu vöru  (t.d. myndum við helst vilja fá rafbílaeigendur í spjall ef varan tengist hleðslu á rafbílum). Þá reynum við að fá fólk með ólíkan bakgrunn, aldur og reynslu - allt eftir því hvernig notendahópur vörunnar er líklegur til að vera. 

Hin grunnforsendan er svo að fá fólk á staðinn og nota frumgerðina með okkur en þannig sjáum við með eigin augum hvernig fólk beitir sér, hvar það er að smella á skjánum – og smellir ekki á. Þá sjáum við jafnframt strax öll viðbrögð í svipbrigðum og líkamstjáningu, lítilli og smárri, gremju eða ánægju, og skráum hjá okkur. Þessi atriði er aðalástæða þess að við viljum fá einn notanda í einu í viðtal en það getur verið erfitt að grípa þessi viðbrögð ef margir mæta saman, fyrir utan að fólk er iðulega opnara og hreinskilnara þegar það er í prívat spjalli.

Ein helsta kúnstin við að framkvæma slík notendaviðtöl er að spyrja réttu spurninganna og hrapa ekki að ályktunum. Við sækjumst eftir hreinum og „hráum“ viðbrögðum notenda og þar er einna mikilvægast að spyrja opinna spurninga en ekki leiða þá á þær niðurstöður sem við höfðum mögulega gert ráð fyrir. Þarna getur ýmislegt komið fram sem er ekki augljóst og jafnvel eitthvað sem getur sett grunnforsendur í hönnuninni alveg á hvolf – það er samt betra en að uppgötva gallann eftir á!

Viðtöl ein og sér eru ekki nóg.  Það borgar sig alltaf líka að taka saman spurningalista til að grípa stóru myndina.  Þá er mikilvægt að hafa vel valinn og fjölbreyttan notendahóp til að fá breiða kortlagningu af notendaupplifuninni. Markhópurinn þarf að vera samsettur bæði af notendum sem eru virkir í notkun þessarar vöru en líka ná til þeirra sem hafa takmarkaðri reynslu. Þannig næst betri samanburður. Menntun, tæknikunnátta, aldur, reynsla og kyn eru auk þess breytur sem stuðla að áreiðanlegri og hlutlausri greiningu.

Aðalmálið er að semja skýran spurningalista með mælanlegum, samanburðarhæfum svörum. Samanborið við viðtölun fást niðurstöður mun hraðar með þessari aðferð, þar sem hægt er að senda spurningalistann til fjölda fólks samtímis. Hér má síðan jafnvel nota sama spurningalista yfir lengra tímabil og líka bera saman ólíkar niðurstöður sem gætu hafa breyst með tímanum. 

Að taka réttar ákvarðanir sem byggjast á gögnum en ekki giski 

Niðurstöður nytsemisrannsókna eru teknar saman í skýrslu og glærupakka fyrir viðskiptavini en þær nýtast til að forgangsraða ýmsum umbótum og styrkja ákvarðanatöku. Það er líka auðveldara fyrir okkur að sannfæra hagaðila um mikilvægar breytingar, enda getum við þá vísað í mælanleg gögn frá markhópnum.

Þessar rannsóknir eru að okkar mati lykilþáttur í vandaðri vöruþróun og hönnun á stafrænum lausnum. Reglulegar nytsemisrannsóknir dýpka bæði skilning á vörunni en efla sömuleiðis notendamiðaða menningu í teyminu sem hefur áhrif á fjölda ákvarðanna. Hér höfum við þó aðeins snert á meginaðferðunum og það má að sjálfsögðu kafa töluvert dýpra í þessi fræði – sem væri jafnvel efni í aðra færslu. 

Ef þú hefur áhuga á að kynnast fleiri aðferðum eða leita aðstoðar við að framkvæma rannsóknir fyrir þína vöru, ekki hika við að hafa samband við okkur í Júní.

Af hverju virka sum öpp, vefsíður eða hugbúnaður svo vel en annað alls ekki? Við hjá Júní teljum að lykillinn að góðri hönnun felist í að láta nytsemisrannsóknir leiða veginn. Hér fyrir neðan förum við yfir helstu aðferðir sem við notum í stafrænni vöruþróun.

Hannað fyrir fólk: af hverju nytsemis-rannsóknir skipta máli

Mörg fyrirtæki hafa reynslu af því að verja mánuðum eða jafnvel árum í að þróa og framleiða vöru sem, þegar upp er staðið, skilar ekki þeim árangri sem vonir stóðu til. Svo koma megi í veg fyrir þetta skiptir máli að láta reyna á hugmyndina sem fyrst til að sjá hvort hún uppfylli viðskiptamarkmið fyrirtækisins og mæti þörfum notenda.

Með hönnunarspretti getum við komist að því á aðeins fjórum dögum hvort hugmyndin sé líkleg til að ná settum markmiðum og fengið viðbrögð frá notendum fljótt og örugglega.

Hönnunarsprettur Júní leggur áherslu á stafrænar vörur; vefi og snjallforrit svo dæmi sé tekið, og byggir á hugmyndafræði sem notuð hefur verið með góðum árangri um allan heim til að hámarka gæði og lágmarka áhættu við að þróa vöru og koma henni á markað.

Á fyrsta degi skilgreinum við hverjar áskoranirnar eru með aðferð sem hjálpar okkur að koma auga á tækifærin sem leynast í þeim. Einnig setjum við okkur markmið og gerum fyrsta uppkast að notendaflæðinu. Til að komast að niðurstöðu fer fram kosning þar sem allir í teyminu taka þátt.

Nú fá allir í teyminu tækifæri til að fara yfir skissurnar frá því deginum áður og kjósa svo um hvaða hugmynd á að halda áfram með í frumgerð.

Við teiknum upp nákvæmt notendaflæði sem sýnir skref fyrir skref hvernig notandinn fer í gegnum vöruna/þjónustuna.

– Uppsetning á notendaflæði og kosning

Á degi þrjú er farið í að vinna frumgerðina. Viðbúið er að mesta vinnan við útfærsluna lendi á einum eða tveimur úr teyminu, en hinir geta aðstoðað eftir þörfum. Ekki er nauðsynlegt að allir í teyminu séu til staðar.

– Textavinna, myndvinnsla og fleira tilfallandi

Hönnunarsprettur Júní er fjögurra daga ferli sem ætlað er að taka á því helsta sem kemur upp í stafrænni vöruþróun með hönnun, frumgerð og notendaprófunum.

Hönnunarsprettur Júní — þróað og prófað á fjórum dögum

Hjá Júní höfum við því ekki nálgast gervigreind sem tískubóla eða sérverkefni. Við lítum á hana sem hluta af daglegu verkfærakistunni okkar bæði í hönnun, forritun, ráðgjöf og í vörum sem við hönnum og þróum fyrir viðskiptavini.

Í stuttu máli: við notum gervigreind sjálf, ráðleggjum fyrirtækjum hvernig á að nota hana, og þróa lausnir þar sem hún er hluti af upplifun notenda.

Í dag er gervigreind orðin náttúrulegur hluti af vinnuflæðinu okkar.

vinna með efni og texta á skilvirkari hátt

Í forritun nýtum við hana meðal annars til að:

En kannski mikilvægast er að hún breytir ráðgjöfinni sem við veitum.

Við erum í auknum mæli að hjálpa fyrirtækjum að svara spurningum eins og:

Hvar skiptir gervigreind raunverulega máli í þjónustunni okkar?

Hvernig getum við notað hana án þess að flækja upplifunina?

Hvað ætti að vera sjálfvirkt og hvað ekki?

Þetta snýst minna um tæknina sjálfa og meira um réttu notkunina á réttum stað.

Það er hins vegar eitt sem við reynum markvisst að forðast: Gervigreindar slor (AI-slopp)

Gervigreind getur framleitt mikið efni mjög hratt. En það þýðir ekki að það sé gott. Það sem gerist oft þegar gervigreind er notuð án skýrrar stefnu er að niðurstaðan verður:

og lítur út eins og allt annað á netinu

Það er nákvæmlega það sem við ætlum ekki gera.

Sérfræðiþekking okkar í hönnun og forritun er það sem tryggir að gervigreind verði verkfæri  ekki staðgengill fyrir fagmennsku.

Endaniðurstaðan þarf alltaf að standast sömu kröfur og við setjum á alla hönnun og alla vöruþróun hjá Júní.

Sérstaklega í hönnun viljum við alls ekki sjá heim þar sem allt fer að líta eins út vegna þess að gervigreind spýtir út sömu lausnum aftur og aftur, án þess að hafa skoðun á hvernig þetta lítur allt saman út. Gervigreind mun aldrei koma í staðinn fyrir góðan smekk, höfum það ávallt í huga.

Dieter Rams gerði lista yfir 10 atriði sem góð hönnun á að vera sem á jafn vel við í dag og þegar hann gerði hann um 1970.

Júnó – gervigreind fyrir stafrænar þjónustur

Ein af gervigreindarlausnum Júní er Júnó. 

Júnó er gervigreindarlausn sem hægt er að tengja við vefi og stafrænar þjónustur. Hún getur hjálpað notendum að finna upplýsingar, svara spurningum og leiða fólk í gegnum efni eða þjónustur. 

Júnó virkar sem hefðbundin leit á vef en hún getur miklu meira en það. Þú finnur allt sem þig vantar, en þú getur í leiðinni klárað það sem þú vilt gera á vefnum í gegnum spjall við Júnó, með generative UI sem lausnin bíður upp á. Sjón er sögu ríkari.

Það sem skiptir okkur máli er að Júnó er ekki bundin við eitt módel.

Í dag byggir hún aðallega á Gemini, en arkitektúrinn er opinn þannig að hægt er að nota hvaða LLM sem hentar verkefninu:

Ásamt því að geta notað nýjustu og bestu módelin hverju sinni, skulum ekki gleyma því að þau eru að uppfærast á ljóshraða þessa dagana, þá getum við tengt Júnó við alls konar gagna uppsprettur:

Eitt sem við höfum séð aftur og aftur er að gervigreind virkar best þegar hún er hluti af góðri þjónustuhönnun.

Ef hún er sett inn án hugsunar verður hún fljótt:

eða einfaldlega gagnslaus og mjög erfitt að viðhalda lausninni

Tæknin í gervigreind er að breytast mjög hratt.

Þess vegna reynum við að byggja lausnir sem eru sveigjanlegar og módel-trúleysingjar.

Þannig er hægt að skipta um módel, bæta nýjum getu eða laga lausnir að breyttum kröfum án þess að byggja allt upp á nýtt.

Það á við um Júnó — en líka um verkefnin sem við vinnum með viðskiptavinum.

Við erum rétt að byrja að sjá hvernig gervigreind mun hafa áhrif á stafræna þjónustu.

nota gervigreind í daglegu vinnunni okkar

hjálpa fyrirtækjum að finna raunveruleg notkun (use-case)

Ekki vegna þess að AI sé töfralausn, heldur vegna þess að rétt notuð getur hún gert stafræna þjónustu bæði einfaldari og betri.

Ef þú vilt vita meira um Júnó getur þú skoðað lausnina hér:

Gervigreindin er er komin til að vera og er að umbreyta því hvernig við hjá Júní vinnum. Áhrif hennar eru mikil á hvernig við þróum og hönnum stafrænar vörur, hún eykur hraða og skilvirkni í okkar vinnu, býr til nýja möguleika í hönnun og myndvinnslu og eykur þjónustustig sem stafrænar vörur geta veitt.

Gervigreind hjá Júní: Verkfæri, vörur og raunveruleg notkun, æ þú veist...

Blogg

Í 16 ár höfum við hjálpað fyrirtækjum og stofnunum að umbreyta stafrænu þjónustunni sinni. Með ráðgjöf, hönnun og forritun búum við til verðlaunaðar lausnir sem skila árangri.