Borgarleikhús
Heimsækja Vef
Viðskiptavinur
Borgarleikhúsið
Okkar hlutverk
Ráðgjöf og greiningarvinna, hreyfihönnun, framendaforritun, endurmörkun, hönnun, grafísk hönnun
Tæknistakkur
TypeScript, React, Sanity, NextJS, Tailwind, Figma
Um verkefnið og markmið þess
Við tókum að okkur endurhönnun og þróun nýrrar vefsíðu fyrir Borgarleikhúsið með Sanity CMS, með það að markmiði að bæta notendaupplifun, aðgengi og auka miðasölu á netinu, sem þýðir auðvitað líka færri beinar fyrirspurnir símleiðis, gegnum tölvupóst og aðrar álíka tímafrekar leiðir.
Til þess að ná þessu markmiði þurftum við að huga að ótal þáttum á við og samþættingu við miðakerfi Tix, fínstillingu fyrir hvers kyns skjástærðir, og kerfishönnun sem tryggir að efnisstjórnun sé eins einföld, auðveld og skýr fyrir teymi leikhússins og hugsast getur.
Einkennandi hönnunarfeature 1
Falleg hönnun er ekki nóg til þess að viðhalda fallegum vef. Til þess að hönnunin fái að njóta sín þarf að setja efnið inn á réttan máta. Þegar Borgarleikhúsið tók við nýju vefumsjónarkerfi fengu þau okkur til að útbúa leiðbeiningar um hvernig best sé að setja inn efni svo vefurinn lúkki alltaf tipp-topp.
Einkennandi hönnunarfeature 2
Vefurinn var útfærður á nútímalegum tæknistakk til að endurspegla hönnun, tryggja hraða og mæta þörfum framtíðar hvað varðar markmið um upplifun og aðgengi – m.a. með rauntengingum við gagnagrunna og þjónustuferla Tix, LiveChat uppsetningu og krosssölukerfi fyrir miða, árskort og veitingar.
Útkoman
Endurhönnunin skilaði sér í bættri notendaupplifun, auknu aðgengi í samræmi við WCAG staðla, straumlínulagaðri efnisstjórnun, hraðari og árangursríkari virkni vefsins með fínstilltri myndbandshýsingu, óaðfinnanlegri samþættingu við Tix fyrir hnökralausa miða- og krosssölu, betri gagnvirkni með rauntímaspjalli og notendastuðningi og nútímalegri tæknistakk sem tryggir sveigjanleika fyrir framtíðarþarfir.
